Turk tilida salomlashish turlari

Abstrak

Maqolada turk tilidagi salomlashish turlari fatik muloqotning eng yorqin ko’rinishlaridan biri sifatida o’rganiladi. Salomlashish iboralari to’rt guruhga — kundalik va umumiy iboralar, kunning vaqtiga bog’liq salomlashishlar, an’anaviy va diniy iboralar hamda kutib olish iboralariga ajratiladi. Muntazam (regulyar) va okkazional (irregulyar) salomlashishlar, ularning sinonimik va antonimik variantlari, shuningdek salomlashishning noverbal vositalari tahlil qilinadi. Salomlashish so’zlarining kelib chiqishiga (turkiy, arabiy va forsiy o’zaklar) hamda ularning ijtimoiy-madaniy shartlanganligiga alohida e’tibor qaratiladi. Turk tilidagi salomlashish tizimi xalqning madaniy qadriyatlari va muloqot me’yorlarini aks ettirishi xulosa qilinadi.